Back ABŞ bayramları Azerbaijani Святы Злучаных Штатаў Амерыкі Byelorussian Празници в САЩ Bulgarian Státní svátky Spojených států amerických Czech Public holidays in the United States English تعطیلات رسمی در ایالات متحده آمریکا Persian Fêtes et jours fériés aux États-Unis French ԱՄՆ-ի տոներ Armenian Hari libur di Amerika Serikat ID 미국의 공휴일 Korean
Die Verenigde State van Amerika het 'n aantal vakansiedae wat plaaslik gevier word, maar streng gesproke is daar geen amptelike openbare vakansiedae waarop werknemers geregtig is ten volle betaling. Die federale regering kan slegs nasionale openbare vakansiedae met betrekking tot sy eie werknemers erken, terwyl die vyftig deelstate die diskresie het om hul amptelike vakansiedae self vas te lê.
Die meeste Amerikaanse vakansiedae het geen religieuse betekenis nie, maar word ter ere van geskiedkundige persoonlikhede of ter herinnering aan belangrike nasionale gebeurtenisse gevier. Net twee vakansiedae, Kersfees en Nuwejaarsdag, word ooreenkomstig met die tradisies in ander lande gevier.
Tans is daar elf "federale vakansiedae", waarvan tien jaarliks en een vierjaarliks gevier word. Die jaarlikse openbare vakansiedae word grotendeels ook deur die regerings van deelstate en plaaslike owerhede erken, maar hulle is nogtans daartoe geregtig om die datums volgens die plaaslike tradisies te wysig, bykomende plaaslike vakansiedae te vier of selfs vakansiedae te skrap.
Volgens die Uniform Holiday Bill ("Wet aangaande die eenvormigheid van vakansiedae") uit die jaar 1968, wat in 1971 in werking getree het, word die viering van die meeste amptelike vakansiedae verskuif na die Maandag wat naaste aan die eintlike datum lê, met uitsondering van Nuwejaarsdag, Onafhanklikheidsdag, Veteranedag (Veterans Day), Oesdankfees (Thanksgiving, op die vierde Donderdag in November) en Kersfees. Daar is ook besondere vakansiedae in 'n aantal deelstate wat uitsluitlik plaaslik gevier word.
Die meeste Amerikaanse winkels is net gesluit vir Oesdankfees en Kersfees. Privaat maatskappye en besighede vier dikwels slegs die "groot ses" vakansiedae (Nuwejaarsdag, Memorial Day, Onafhanklikheidsdag, Werkersdag (Labor Day), Oesdankfees en Kersfees. Sommige ondernemings voeg ook die Vrydag ná Oesdankfees en een of meer van die ander federale vakansiedae by.
Die winterlike vakansieseisoen duur van Oesdankfees tot en met Nuwejaarsdag en behels die Wintersonstilstand (wat byvoorbeeld deur die Amerikaanse Ateïste gevier word), Kersfees, die Joodse Hanukkah en Kwanzaa.
Die somerseisoen duur tradisioneel van Memorial Day tot en met Werkersdag (alhoewel hierdie seisoen geen amptelike erkenning geniet nie).